Asturies.com en Lorient 2003

Güei damos estrena a un especial dedicáu a la 33 edición del Festival de Lorient, la xuntanza musical más importante del folk européu y na qu'Asturies ye esti añu país convidáu. Asturies.com va tar presente nesta edición del intercélticu bretón, que'l nuestru unviáu especial Rubén Ardura va siguir en directo pa los nuestros llectores.



Dende mañana mesmo y hasta qu'acabe'l festival, el corresponsal d'Asturies.com en Lorient va dir faciéndonos día tres día la so crónica particular, y asina Asturies.com va poder ser el primer mediu en dar los resultaos d'eventos como'l troféu Macallan, ello aparte del relatu diariu de los aspectos más importantes del Festival, como son les nueches máxiques o los conciertos de más sonadía, y por supuesto, un siguimientu especial a l'actuación de la delegación asturiana. Xunta la información diario, na barra d'enllaces de la derecha pue consultase'l programa completu d'actividaes del festival y tamién ver una presentación de cada integrante de la delegación asturiana.



Dende Asturies.com convidámos a los nuestros llectores a ponese al día del Festival dende'l nuestru especial, y tamién queremos agradecer la collaboración de los nuesos patrocinadores nesta aventura informativa, Café Trisquel de Xixón, el Conceyu Cultural "La Gueta de Candás", y los chigres Ca Beleño de Xixón y Uviéu.