Asturies "ye rexón"

El númberu 31 del boletín del Centru d'Investigaciones Sociolóxiques (CIS) que ta acabante de colgar na rede l'Institutu dependiente del Ministeriu de la Presidencia, inclúi nesti boletín una riestra d'entrugues sobre los sentimientos identitarios de les comunidaes autónomes del estáu. Anque, como siempre, los datos d'estos estudios ye conveniente tomalos con un puntu de reserva pol pequeñu universu de muestra que tienen -en total entrevistáronse pa facer estes encuestes a 493 asturianos- lo cierto ye que l'estudiu apurre datos polo menos interesantes de güeyar. En concreto, y refiriéndose a la pallabra cola que más s'identifica la xente pa referise a la so comunidáatónoma, un estrapayante 96% empleguen el términu "rexón" tantu por cientu que namás igualen Murcia y La Rioja y que namás supera Extremadura, onde la identificación col términu "rexón" ye del 100% de los encuestaos. Eso sí, ente los que se definen como "rexón" los asturianos vense más "rexonalistes" que los demás, puntuando los asturianos con una nota media del 6,62 nun índiz de rexonalismu que puntúa del 1 al 10 y nel que Castiella y llión ye la que puntúa más baxo, con 4.92 puntos y Extremadura la que marca más alto con una nota de 6,92.


El boletín tamién da datos sobre'l grau de representatividá y confianza que les distintes CCAA del estáu tienen nos sos gobiernos autonómicos en rellación al central y sobre la percepción que se tien del actual estáu de les autonomíes