Asturies vive la cuarta xornada ensin más de 2 positivos por PCR

El domingu llegó a rexistrase un únicu casu.

Los datos de la pandemia de COVID-19 n'Asturies tán dexando una cantidá mínima de positivos nuevos dende'l sábadu. Esi día hebo 2 por PCR, cantidá que se repitió'l llunes y ayeri, cuando se procesaron 1.868 muestres.

Estes candidaes, que se completen con un 1 casu'l domingu y 5 el vienres, amuesen que la curva de contaxos yá tocó suelu depués de más de mes y mediu de confinamientu de la población. Sicasí, la enfermedá causada pol coronavirus SARS-CoV-2 sigue causando muertes, como les 3 rexistraes ayeri que ponen el total en 287.

No que respeuta a los positivos por tests d'antivirus ayeri foron 30 con 1.441 pruebes feches. Mentes, baxaron en 4 los pacientes na UCI (29) y en 12 en planta (141), con 17 curaciones más que'amplíen la cifra de persones que superaron la COVID-19 a 953.