Asturies vive esti domingu xornada d’eleiciones europees

Esti domingu ye xornada d’eleiciones. Los ciudadanos del Estáu escueyen a los sos 54 representante pa los cinco años siguientes nel Parllamentu Européu y n’Asturies.com vamos ufrir tola infomación d’esta cita nel nuesu especial y en Twitter.

 

A lo llargo del día los nuesos llectores podrán atopar información sobre les eleiciones, siendo’l momentu de mayor actividá la nueche, yá que los primeros datos oficiales van dase a les 23 hores, col 90 por cientu de los votos escrutaos. La razón ye la llexislación eleutoral europea, qu’impide dar datos oficiales hasta que se zarren tolos colexos eleutorales. Les 39 candidatures qu’aspiren a algamar representación pol Estáu son Iniciativa Feminista, PSOE, PP, Coalición por Europa, Foro de Ciudadanos (FAC), UPyD, PACMA, Esquerra Republicana-La Esqueirda pol Derechu a Decidir-La Izquierda por el Derecho a Decidir, Ciudadanos-Partido de la Ciudadanía, Impulso Social, Agrupación de Electores Recortes Cero, Primavera Europa, Extremadura Unida, Partido Humanista, Vox, Partido de la Libertad Individual, FE de las JONS, PCPE, Partido X, Agrupación de Electores DER (Discapacitados y Enfermedades Raras), PREPAL, IX (La Izquierda Plural), Andecha Astur-Los Pueblos Deciden, Extremeños por Europa, Partido Andalucista, Movimiento Corriente Roja, Escaños en Blanco, Por la República/Por la Ruptura de la Unión Europea, Podemos, Alternativa Republicana, Partido da Terra, Solidaridad y Autogestión Internacionalista, La España en Marcha, Confederación Pirata-European Pirates, Democracia Nacional, Movimiento RED, MSR y Ciudadanos Libres Unidos.

 

La cuenta de Twitter na que van poder siguir tolos resultaos de les eleiciones, asina como porcentaxe de participación y otres informaciones rellatives a la xornada, ye @asturies.