Asturies va vivir una fola de calor a partir del domingu

Una masa d’aire d’orixe subsaḥarianu que ta averándonse a la Península Ibérica va provocar que se rexistren hasta 35 graos n’Asturies el domingu y el llunes. Esti branu van predominar les foles de calor y los díes con orbayu y brisa.
 
Asina, según anunció Iñigo Caballero, delegáu territorial de l’Axencia Estatal de Metereoloxía (AEMET) en Asturias, a estos dos díes de calor estremu van sigui-yos una galerna nel Cantábricu. Un branu “calurosu” que destaca por ser el más llargu “en sieglos” al durar 93 díes y 15 hores.
 
Sobre la primavera d’esti añu, Caballero comentó qu’ésta foi “cálida en temperatures y de seca a muy seca en precipitaciones”. Nuna rueda de prensa coincidiendo col aniciu del branu, el delegáu territorial incidió en que pasamos una de les primaveres más cálides dende 1931, alcanzando máximes de 33 graos en dalgunas zones –tres les de 1933 y 1971–, y con precipitaciones un 40 por cientu perbaxu de la media de los 70 años últimos. Sicasí,  recordó  que la seronda foi bastante lluviosa, polo que se garantiza’l promediu de lluvies.