Asturies va tener representación en Portugal nun congresu sobre llingües minorizaes y nueves teunoloxíes

|

Inaciu Galán va participar nel Cunceilho Anternacional ‘Las lhénguas nun statales i las nuobas tecnologies de l’anformaçon i de la quemunicaçon’ que va celebrase n’Aveiro. L’Associaçon de Lhéngua Mirandesa entama esti eventu.
 
‘Una güeyada a la situación del asturianu nes TIC’ ye’l nome de la charra que va ufrir Galán na Universidade de Aveiro’l xueves 8 de marzu, a les 11.30 hores, dientro de les actividaes que van desarrollase nesa xornada y na que van participar periodistes y espertos en medios catalanes, gallegos, portugueses, araneses, aragoneses y mirandeses. Galán tamién va participar nuna mesa redonda sobre’l tema central del congresu, prevista pa les 15 hores, na que van participar Amadeu Ferreira, Alcides Meirinhos, Xavier Frías Conde, Francisco Castro, Anna Cortils y Sebastià Bennasar. La moderación del alderique va correr a cargu de Alberto Gómez Bautista, de la Universidade de Aveiro.
 
El Departamentu de Linguas y Culturas de la institición universitaria llocal y la Universidad Nacional de Educación a Distancia (UNED) collaboren na puesta en marcha d’esti eventu nel que Gómez Bautista, Frías Conde y José Pedro Ferreira forme parte de la Comisión Organizadora. Mentes, la Comisión Científica ta compuesta por Alcides Merinhos, Amadeu Ferreira, Carlos de Miguel Mora, Carlos Manuel Morais, Maria Fernanda Brasete y Rosa Lídia Coimbra.

AdxuntuTamañu
PDF icon Cunceilho de Aveiro.pdf167.16 KB
Contador Estadistiques