Asturies tuvo 9 fuelgues nel primer semestre del añu, 19 menos que nel mesmu periodu del 2010

El númberu de fuelgues qu’hubo n’Asturies nel primer semestre del añu foi de 9. Ello supón un descensu del 67,8 por cientu con respeuto al mesmu periodu del añu anterior, onde nel nuesu país tuvieron llugar 28 paros llaborales.
 
Según los datos del Ministeriu de Trabayu y Inmigración recoyíos pola Sociedá Asturiana d’Estudios Industriales (Sadei), los trabayadores que participaron nes fuelgues del primer semestre del añu foron 8.302, una cifra inferior a los 11.781 d’hai un añu. Mentes, les hores perdíes ente xineru y xunu d’esti añu sumaron 123.000, frente a les 107.000 del primer semestre del 2010.
 
Les fuelgues asturianes del 2011 repartiéronse de la forma siguiente: trés en xineru, con un siguimientu de 260 trabayadores; dos n’abril, que provocó’l paru de 193 emplegaos; y cuatro en xunu, col sofitu de 7.849 profesionales