Asturies tuvo 3.046 desempleaos más en setiembre

El númberu de paraos rexistraos nes oficines del Institutu Nacional d'Empléu (Inem) n'Asturies en setiembre subió a 76.002, lo que supón un aumentu de 3.046 persones al respecto d'agostu del 2010.

En términos relativos, l'aumentu del paru nel mes de setiembre n'Asturies foi del 4,18 por cientu respectu al mes d'agostu, mientres qu'en términos interañales -nos últimos 12 meses- quedó nun 7,97 por cientu. A nivel estatal, sube en 48.102 personas en septiembre y supera los 4 millones de desempleaos.
  
No qu'afecta al paru masculín, ésti quedó n'Asturies en 35.323 persones, mientres que'l femenín algamó un total de 40.679 persones.
  
Por sectores, el paru subió en Servicios en 2.593 persones; siguíu del colectivu Sin Empléu Anterior, con 317 persones; en Construcción aumentó en 30 persones; Industria en 82; y Agricultura, en 24 persones.
  
En cuanto al paru rexistráu nos estranxeros n'Asturies mientres el mes de setiembre quedó en 5.272 persones, lo que supón un aumentu de 259 persones al respecto d'agostu (5,6 por cientu). Del total de paraos estranxeros, 3.287 son estracomunitarios y 1.991 son comunitarios.
  
El sector con más estranxeros en paru n'Asturies ye Servicios (2.831), siguíu de Construcción (1.214), el colectivu Sin Empléu Anterior (705), Industria (358) y Agricultura (170).
  
Mentanto, el númberu total de contratos n'Asturies aumentó en septiembre en relación al mes anterior en 2.250 (un 9,79 por cientu más), asitiándose en 25.243 contratos totales..
  
A nivel interañal, la contratación aumentó un 3,91 por cientu n'Asturies(949 contratos más).