Asturies tien una mortalidá del 1,5 pol 6 de la media estatal

|
Manuel Bayona y Pablo Ignacio Fernández Muñiz

El númberu de finaos por cuenta de la COVID-19 ye de 12 y el de positivos asciende a 594, calteniendo la dinámica de mediu centenar de casos nuevos diarios.

La tasa de mortalidá n'Asturies ye del 1,5 por cientu, confirmó ayeri'l Conseyeru de Salú, Pablo Ignacio Fernández Muñiz, nuna visita al Centru de Salú d'El Llano, en Xixón. "La incidencia n'Asturies ta siendo hasta'l momentu perbaxu de la media", apuntó, lo que tamién asocede con respeutu a la mortalidá, qu'a nivel del Estáu asitió nun 6 por cientu.

Según los datos últimos, que se dan tolos díes coles cifres actualizaes a les 20 hores, el país suma 594 casos positivos –de los que tán activos 561–, 49 más que la xornada anterior, calteniendo asina la dinámica de díes atrás de mediu centanar de casos diarios frayada únicamente'l vienres, cuando salieron los de los xeriátricos y la cifra foi de 146. El númberu de finaos algama los 12 –a lo llargo de güei morrieron dos persones más–, con 20 pacientes na UCI y 156 hospitalizaos, siendo los curaos 21.

Na semeya, Manuel Bayona, xerente de l'área sanitaria V, y Fernández Muñiz.

Contador Estadistiques