Asturies rexistra unos 340 nacimientos prematuros al añu

Suponen ente'l 6,2 y el 7,1 por cientu del total.

Unos 340 nacimientos que se producen n'Asturies son prematuros, críos que na mayor parte crecen ensin secuela y con un desarrollu normal. Ye ún de los datos que se manexen de cara a les II Xornaes del Prematuru qu'entama la Unidá de Neonatoloxía del Hospital Universitariu de Cabueñes nel salón d'actos del centru mañana dende les 9.30 hores con motivu del Día Mundial de la Prematuridá.

El comité científicu escoyó a ponentes de les unidaes de cuidaos intensivos de grandes prematuros de diferentes árees sanitaries d'Asturias y d'otres autonomíes cola fin de dar a conocer los retos de la prematuridá y concienciar sobre les necesidaes y derechos de los naciatos prematuros y les sos families. La xornada inclúi delles meses redondes nes que van intervenir profesionales de pediatría, enfermería, fisioterapia, rehabilitación, psicoloxía y tocoloxía, entre otros.

L'alcuentru completase cola esposición de les vivencias personales de madres y padres y con talleres práuticos pa les familias. Asina, l'edificiu Impulsa del Parque Científicu y Teunolóxicu acueye, a partir de les 16 hores, el I Alcuentru coles Families baxo'l lema 'Pequeñes aiciones con un gran impautu. Contautu inmediato piel con piel pa tolos críos en tol mundu'.

Les neñes y neños prematuros, los que nacen enantes de la selmana 37 de xestación, son ente'l 6,2 y el 7,1 por cientu del total n'Asturies. "Pa torgar discapacidaes rellacionaes col aprendizaxe, asina como problemes visuales y auditivos, el Serviciu de Salú del Principáu d'Asturies (SESPA) ufre nestos casos una atención de calidá alta per parte d'un equipu multidisciplinar especializáu", apunten.

Na semeya, detalle del pie d'un críu prematuru.