Asturies rexistra otros dos casos de COVID-19

Ún tien que ver col focu de Navarra.

Per cuartu día siguíu Asturies suma dos casos nuevos de COVID-19, polo que yá van 19 nes selmanes últimes y 2.454 dende l'entamu del andanciu. Trátense de dos positivos importaos detectaos na área sanitaria d'Uviéu, dambos con síntomes leves que permanecen aisllaos nos sos llares.

Precisamente, una afeutada yá venía guardando cuarentena al tar venceyada col focu de Navarra que yá afeutó a un mozu que tuvo contautu con un contaxu d'esa autonomía. L'otru ye un home que tuvo una estancia en Cantabria y se sintió mal a la so vuelta al país.

El Serviciu de Vixilancia Epidemiolóxica sigue l'estudiu de los casos de Navarra y ta en contauto continuu colos sos homólogos d'otres comunidaes pa facer un control d'esi biltu con repercusión n'otres autonomíes.