Asturies rexistró 435 EREs nos primeros meses de 2010

L'actividá empresarial n'Asturies mientres los ocho primeru meses de 2010 cerró con 435 Espedientes de Regulación d'Empléu (ERE), qu'afecten a 10.981 trabayadores, según el Rexistru d'Economistes Forenses (REFOR).

El conseyeru de REFOR n'Asturies, Ricardo San Marcos, manifestó esti llunes que les empreses "tienen qu'afacese a los cambeos". Encamentó que se debe facer un esfuerzu importante no que se refier a la capacidá de mutación".
  
San Marcos apuntó que la mayor parte d'estos EREs, el 93,5 per cientu, correspuende a los de suspensión. Nesta sentíu, indicó qu'esta cifra trai una “espera", y dixo que, na so opinión, la situación "va siguir a siguir abondo enllancada".
  
Per otra parte, el 4,1 per cientu son d'estinción, nos que se produz la cancelación total de la relación llaboral del emplegáu cola so empresa, y un 2,4 per cientu vense afectaos por un amenorgamientu de xornada.
  
Procedimientos concursales
No que se refier a los procedimientos concursales, n'Asturies fueron trece los debedores concursaos nel tercer trimestre de 2010, lo que supón el 1,15 per cientu de los concursos presentaos a nivel estatal, y un descensu del 50 per cientu respectu al segundu trimestre del añu.
  
Por tipu de concursu, los trece concursos fueron voluntarios, "solicitaos pol deldor", y non pol acreedor, según esplicó San Marcos. Amás, el 61,5 per cientu de les empreses concursadas (8) facturen menos de dos millones d'euros al añu, un porcentaxe similar al enclín nacional y qu'indica que les empreses son "de tamañu mediu-baxu".
  
Per otra parte, de xineru a setiembre d'anguaño, fueron 65 el deldores concursados, que significa un descensu del 17,7 per cientu respectu al mesmu períodu de 2009.
  
Ricardo San Marcos recordó que'l concursu ye una ferramienta de planificación que s'usa como una posibilidá p'acometer un procesu de reestructuración fuerte". "Eso puédese faer cuando la empresa tien dalguna fortaleza".
  
Sicasí, criticó que les empreses "tán escosando toles posibilidaes internes" y lleguen al concursu escosaes". Por él, San Marcos plantegó qu'antemanase a esa situación".