Asturies restaura una locomotora de vapor pa Cataluña

El Muséu del Ferrocarril de Xixón celebra mañana sábadu una "xornada del vapor" na que va presentase una pieza especial propiedá del Muséu del Transport de Cataluña. Con motivu de la xornada, la entrada va ser de baldre, y el muséu va tar abiertu desde les 11 hasta les 20:00hEsta máquina, de nome AM 105, ye una locomotora del añu 1905 fabricada pola alemana Orenstein & Koppel. Con cinco exes y ténder separtáu, ye una máquina realmente especial y única n'Europa.

Esta máquina trabayó munchos años en nuna azucarera madrileña hasta que la mercó'l muséu catalán, que la dio a restaurar a empreses asturianes de calderería especializaes nestos llabores. Depués de la so presentación asturiana, la máquina va dir pa Cataluña, onde nun va quedar nun pedestal nin guardada nun muséu, sinon que va tirar por un ferrocarril turísticu ente Pobla de Lillet y Castellar, enanchando asina'l parque de máquines de vapor que faen trabayos turísticos regulares nel país catalán, tolo contrario que n'Asturies, onde siguen ensin cuayar iniciatives pa que'l vapor vuelva a los carriles asturianos trenta años depués de retirase del serviciu les últimes máquines de vapor nes llinies comerciales del país.