Asturies, protagonista na cartelera

La cartelera de cine asturiana ufierta esta selmana delles estrenes d'interés, ente les que rescampla Spider, la última película del especialista en cine fantástico David Cronenberg, que cuenta la historia d'un sicópata qu'anecia en creer que'l padre quier matalu. Xunta esta cinta, tamién s'estrena "Deséu" de Gerardo Vera y con argumentu de la escritora asturiana Ángeles Caso. La película tien de tresfondu'l tema de los nazis alemanes que s'atecharon n'España depués de la II Guerra Mundial y les conexones que teníen n'Arxentina al través de la rellación ente ún d'estos facistes y una republicana. Otramiente, José Luis Garci presenta "Historia d'un besu" otra de les sos películes feches a l'antigua pero que tien l'atractivu pal públicu asturianu de tar rodada nel país.Pues ver los horarios en que proyecten les películes na cartelera d'Asturies.com