Asturies promociónase en Portugal como destín

El Gobiernu entama campañes turístiques en Lisboa y al traviés de l'aerollinia TAP.

Esta iniciativa dio entamu'l 17 de xunu nun actu na embaxada d'España na capital lusa pa presentar a Asturies como destín turísticu a los principales medios de comunicación y operadores portugueses. El país tuvo representáu nel mesmu por Graciano Torre, conseyeru d'Economía y Emplegu.

Dellos reportaxes en prensa, suplementos y revistes especializaes salieron nes selmanes últimes, a lo qu'hai que sumar la collaboración cola Oficina Española de Turismo de Lisboa.

D'igual forma, Asturies va promociónase esti branu na aerollinia TAP, que xune Lisboa con Santiagu'l Monte. Asina, na so páxina web tien un espaciu dedicáu a información sobre'l país, al igual qu'entraes en Facebook, y los sos clientes van recibir cartes promocionales. Lo socios comerciales de TAP tamién van dedicar información sobre Asturies.

Cuartu mercáu turísticu

Dende xunetu del 2014 a mayu, 14.810 turistes portugueses viaxaron con TAP de Lisboa a Asturies. Según informa Turismu d'Asturies, Portugal ye'l cuartu mercáu internacional turísticu pal país.