Asturies pierde capital humanu

La Revista Asturiana d'Econimía asoleya, nel númberu que ta acabante de sacar, un artículu en que s'analicen les causes de la emigración xuvenil n'Asturies. Col interesante títulu de "Población, emplegu y capital humanu n'Asturies: 1980-2000" l'artículu espón, ente otres coses, que la población asturiana lleva venti años menguando peles estayes d'edá más moces y con más preparación, lo que ye señal de que'l país ta avieyando y perdiendo'l capital humanu más preparao.

L'artículu tamién llama l'atención sobre la mengua de población activo, ya que los puestos de trabayu destruyíos nel sector públicu nos 80 nun se recuperaron nel priváu, sinon que pasaron directamente a ser pasivos vía prexubilación. El procesu de perda de capital humanu n'Asturies remató, según l'artículu, nos años 90, nos que l'Estáu Español vio como espolletaba la economía, pero que foron tamién años de desequilibriu territorial nos que la economía asturiana creció más despacio qu'otres. La Revista Asturiana d'economía tien una páxina dientro'l web de la Universidá, pero ye bona pena que nun l'actualizen más davezu.