Asturies, na cola del crecimientu anual del PIB

La economía asturiana rexistró añalmente de media ente los años 2000 y 2009 la segunda menor crecedera del PIB de tou l’estáu, con una xubida del 2%, cerca de siete décimes menos que la medría en toa España.

Según la última actualización de la Contabilidá Autonómica ellaborada pol INE, mientres el 2009 el Principáu sufrió una cayida del -4,1 per cientu del PIB, amenorgamientu que ye más acusada que la rexistrada de media n'España (-3,7%)  y qu'asitia a la comunidá asturiana como la quinta autonomía con un mayor descensu tres Aragón (-4,5%), Comunidad Valenciana (-4,4%), Cataluña (-4,2%) y Canaries (-4,2%).
  
Amás, atendiendo al PIB nominal por una cifra que s'atopa per debaxo del promediu nacional (22.946 euros) y de la Unión Europea (23.546 euros).
  
Según esti informe, tomando en considerancia les variaciones interañales del PIB en términos de volume de la serie 2000-2009, la crecedera media estatal foi del 2,31%. Nesi sentíu, diez comunidaes crecieron percima de la media, llista qu'encabecen Murcia (con una crecedera media del 2,88%), Estremadura (2,84%) y Melilla (2,75%).
  
Nel llau opuestu, xunto a Baleares (1,64%) atópase'l Principáu d'Asturies (2%), les que tuvieron una menor crecedera media nel períodu citáu.