Asturies lidera les reserves de turismu rural

Diez poblaciones asturianes tán ente les más visitaes de tol Estáu esti agostu.

Según los datos de reserves rexistraos pola web clubrural.com, especializada n'agospios asitiaos lloñe de cascos urbanos, Asturies ye líder con un 20,10 por cientu del total n'agostu, con una ventaya amplia con Andalucía (13,89 por cientu) y Cantabria (11,05 por cientu). Esta tendencia increméntase en branu, anque'l lideralgu del nuesu país nesti sector suel caltenese mientres tol añu.

Amás, ente la llista de les venti poblaciones con más demanda nesti portal atopamos diez asturianes, ente les que destaquen, según apunten los responsables de Club Rural, Cangues d'Onís, Llanes, Ribeseya, Villaviciosa y Castropol.