Asturies fraya tolos rexistros con 2.348.616 turistes nel 2019

Sigue aumentando les cifres añu a añu, según los datos del Instituto Nacional de Estadística.

El conxuntu de datos relativos al 2019 conclúin qu'Asturies recibió un 1,6 por cientu más de visitantes y un 3,7 por cientu más d'agospios que nel  2018. Estes medres llevaron a un total de 2.348.616 turistes y 5.747.219 estancies, cifres que son les más elevaes en dambos indicadores hasta la fecha, sumando yá cuatro años siguíos nos que se supera la barrera de los 2,3 millones.

El crecimientu más destacáu algamóse nel segmentu del turismu rural, con un 5,6 por cientu más de turistes y un 4,4 por cientu en nueches, porcentaxes qu'alcen los sos rexistros hasta los 302.765 y 973.077, de manera respeutiva. La contribución del mercáu internacional representó'l 17,6 por cientu del total de turistes, superando per primer vegada los 400.000 viaxeros procedentes d'otros países, lo que supón una medra del 3,5 por cientu, mentes que los agospios medraron un 3,9 por cientu hasta los 863.806.