Asturies foi la única comunidá que perdió población nel 2006

Asturies foi la única comunidá autónoma española que perdió población nel añu 2006, acordies colos datos provisionales del Institutu Nacional d'Estadística (INE). La población asturiana mengüó en 2.264 persones nel censu de fecha del 1 de xineru del 2007 respective al 2006, quedando Asturies na última actualización censal con 1.074.600 persones.

El casu asturianu rescampla col de les comunidaes que xubieron población, casu de la valenciana, qu'amestó 68.000 persones, l'Andaluza con cerca de 64.000 habitantes, Cataluña, que ganó 62.000 o y Madrid qu'amestó 53.000 habitantes menos. Un añu más, Asturies rescampló pola so falta de puxu demográficu, perdiendo un 0,21% de la población y siendo la única comunidá que presentó baxada poblacional.

.
El sindicatu CCOO valoró los datos mui negativamente". La perda de mocedá qu'emigra, amestao al fechu de que los inmigrantes que faen xubir los censos d'otres comunidaes nun garren Asturies como destín por falta d'atractivu económicu, suponen pa CCOO "el problema social, llaboral, económicu y políticu más seriu al que va tener qu'enfrentarse Asturies nos próximos años".