Asturies, de les primeres en residuos peligrosos

Asturies ye una de les comunidaes que más residuos peligrosos xenera en tol estáu. El 15% de tolos residuos peligrosos del estáu son asturianos, y el volume total de desfechos qu'hai que xestionar llega a les 1.452.513 tonelaes, les más d'elles procedentes de la minería y d'una sola empresa del metal: Asturiana de Zinc Sicasí, parez que'l nuestru papel de productores de basura peligroso nun concueya colos presupuestos que tenemos asignaos a esti tema. Un estudiu del sindicatu CCOO nel que se valoren los resultaos deI Plan Nacional de Residuos, yá termináu, espeya qu'Asturies, ente aportaciones estatales y presupuestos autonómicos nun yera la segunda en presupuestu pa la xestión de residuos peligrosos, mientres que Cataluña, otru gran xenerador de residuos d'esta triba, foi la única qu'aprovechó'l plan. Entovía más grave, anque dende l'añu pasáu ta aprobáu el Plan Básicu de Residuos d'Asturies, inda nun tenemos un plan propiu específicu pa la xestión d'estos residuos.