Asturies, con una mengua del 34,03 por cientu, lidera’l descensu interañal del paru nel Estáu

Los datos de la Encuesta de Población Activa (EPA) rexistru un descensu del paru n’Asturies del 34,03 por cientu en comparanza col segundu trimestre del 2016. El númberu de paraos ye 60.200, anque cola tasa d’actividá más baxa del Estáu: 51,15 por cientu.

Asturies tenía al terminar xunu 31.000 paraos menos y 19.800 ocupaos más que va un añu. Estos númberos confirmen un descensu del desemplegu del 34,03 por cientu en rellación col segundu trimestre de 2016, un porcentaxe que dobla l'amenorgamientu mediu estatal, que s'asitia nel 14,44 por cientu.

Los datos relativos a la ocupación tamién son más favorables que los del conxuntu d'España. Asturies, con una medra interañal del 5,20 por cientu, casi dobla al estatal, que reflexa una variación añal del 2,80 por cientu.

El desemplegu, mentes, amenorgó en 5.300 persones nel segundu trimestre, lo que supón un descensu del 8,04 por cientu, con un total de 60.200 paraos. Amás, l'emplegu creció en 7.200 persones, hasta llegar a los 401.400 ocupaos.

La nota negativa ye que la tasa d’actividá n’Asturies, esto ye la población activa, ye namái del 51,15 por cientu, la más baxa de tol Estáu.