Asturies celebra’l día d’internet liderando na banda ancho n’España

El 72,12 % de les conexones a la rede n'Asturies son de banda ancha, y la tasa de penetración de la rede nel país ye del 39,6% la sétima d'España

Tres de conocese al traviés d'un estudiu de la Sociedá Xeneral d'Autores d'España (SGAE) qu'Asturies taba ente les comunidaes con mayor usu d'Internet, l'Institutu Nacional d'estadística dio a conocer ayeri los resultaos del segundu trimestre del 2005 na so encuesta sobre equipamientu y usu de tecnoloxíes de la información y comunicación, qu'asitia la penetración d'Internet en Asturias nel 39,6 %, ello ye trés puntos respective al añu 2004 y un tantu por cientu qu'asitia a Asturies como la sétima Comunidá Autónoma española con más accesos a Internet. Inda más, Asturies ye la comunidá onde hai un mayor tantu por cientu de conexones al traviés de banda ancho con un 72% de les conexones beneficiándose de les velocidaes qu'apurren el cable y l'ADSL. Avilés atecha los más de los actos oficiales del Gobiernu asturianu con motivu d'esta xornada, mientres que en Xixón, a les 18:30 va nel hotel ABBA presentase'l llibru "La historia oculta de Internet a través de sus personajes" obra del investigador de la historia de la rede Andréu Veá i Baró.