Asturies busca atrayer turistes en temporada baxa procedentes de comunidaes cercanes

|
Cartelu Feria Internacional de Turismo de Interior (INTUR)

Participa na Feria Internacional de Turismo de Interior (INTUR) de Valladolid.

Asturies promociónase dende güei y hasta'l domingu nesti eventu col oxetivu d'atrayer viaxeros de comunidaes próximes que contribuyan a desestacionalizar el sector en temporada baxa. L'estand institucional, un espaciu propiu de 50 metros cuadrados, acueye a delles empreses asturianes y organizaciones promotores de turismu, asina como a los conceyos d'Uviéu, Cangues d'Onís, Ayer y Somiedu, amás de la rexón d'Ozcos-Eo.

Nel apartaáu d'INTUR negocios, una representación d'empresarios del sector, ente los que s'alcuentra'l Cluster de Turismu Rural, va caltener reuniones con comercializadores d'ámbitu estatal y internacional p'ameyorar la so competitividá.

12 por cientu de turistes procedentes de Castilla y Lleón

La pasada edición INTUR recibió a 44.400 visitantes entre profesionales y consumidores finales. La ufierta de naturaleza, turismu rural y ecoturismu, asina como les escapaes de fin de selmana a Uviéu, Xixón y Avilés, foron les informaciones más demandaes ente los que s'averaron al stand d'Asturies en busca d'atención especializada.

El mercáu de Castilla y Lleón ye bien importante pal turismu asturianu. Un 12 por cientu de les persones que visitaron Asturies l'añu pasáu procedíen d'esta autonomía, cifra que namái supera la Comunidad de Madrid y los propios asturianos.

 

Contador Estadistiques