Asturies aumenta a 80 les fiestes d'interés turísticu

La Conseyeria d'Emplegu, Industria y Turismu va declarar como d'interés turísticu siete fiestes del país que se celebren en Sotu'l Barcu, Ribadeva, Tresona, Salinas, Pravia, Blimea y Turón. D'esta forma, Asturies va contar con 80 festividaes con esta categoría.

El Conseyu Asesor de Turismu propunxo güei incorporar estes siete celebraciones al catálogu de fiestes d'interés turísticu teniendo en cuenta "la orixinalidá de los festexos, el so raigón popular, la participación activa de la población onde se desendolquen, el so valor sociocultural, la so capacidá d'atracción y la so antigüedá". En concreto, les folixes escoyíes son el Festival Gastronómicu de l'Angula (Sotu'l Barcu), la Fiesta de Santu Medé (Ribadeva), la Foguera de San Xuan de Corvera (Tresona), el Salinas Longboard Festival, La Ponte (Pravia), los Pimientos Rellenos (Blimea) y les Xornaes Gastronómiques del Pote (Turón).

Tres l'aprobación parte del conseyeru Francisco Blanco de les propuestes del Conseyu Asesor, Asturies va pasar a tener 80 fiestes d'interés turisticu. D'elles, 62 son de calter nacional, 17 estatal y una internacional, el Descensu Internacional del Seya.

Na semeya: Fiesta del Santo Cristo del Amparo (Nueva, Llanes),