Asturies algama la cifra de 200 finaos por coronavirus

El domingu rexistráronse 50 positivos nuevos de COVID-19 que ponen el total en 2.348.

La datos últimos de la pandemia provocada pol coronavirus SARS-CoV-2, correspondiente a les 20 hores d'ayeri, eleven la cifra de muertos nel país a 200. Nes 24 hores últimes hebo que llamentar 4 muertes.

Tres la realización de 1.414 pruebes pa la determinación de la COVID-19, 815 muestres por PCR (29.261 hasta'l momentu) y 599 por anticuerpos (5.264), el númberu de casos positivos nuevos foi de 50, pa poner el total en 2.348. Na UCI hai 56 persones, mesma cifra que'l sábadu, y en planta 258, 2 menos.

No que respeuta a les curaciones, llevamos 599. Ayeri 3 más recibieron l'alta epidemiolóxica.