Asturies acumuló nos cuatro primeros meses del añu cuatro accidentes mortales y 37 graves

L’Observatoriu de Condiciones de Trabayu d’Asturies fixo públicu l’informe sobre los accidentes asocedíos n’Asturies nos cuatro primeros meses del añu. Hasta’l 30 d’abril, nel nuesu país hubo cuatro mortales y 37 graves.
 
Les persones que perdieron la vida mientres trabayaben pertenecíen al sector de l’agricultora, de la pesca, de la construcción y de les actividaes alministratives y servicios auxiliares, según se desprende del informe. El númberu total d'accidentes llaborales totales n'Asturies foi de 4.517, de los que 3.375 correspondieron a homes y 1.142 a muyeres. D’estos, 4.476 foron leves y 37 graves, de los que 13 tuvieron rellacionaos col sector de la industria, 12 col de los servicios, 9 col de la construcción y 3 col primariu.
 
El sector qu'acumula más accidentes llaborales ye del de servicios, con 2.027, siguíu de la industria (1.612), la construcción (708) y el primariu (170).