Asturias, adelante

Pa cualquier asturianu o asturiana, ye cásique imposible andar cuatro pasos ensin topar cola campaña de propaganda del Principáu que baxo'l lema "Asturias Adelante" enseña y engalana les realizaciones del Gobiernu autonómicu en toles estayes. Precisamente estos díes el Principáu ta acabante de presentar la nueva Fundación del Metal, una institución que va xestionar la formación de la mano d'obra del sector y que ta llevando les crítiques de la oposición parllamentaria y de dellos sindicatos como la CSI que denuncien que la nueva Fundación ta tomada cásique esclusivamente por cargos de la UXT, sindicatu mayoritariu en casique toles estayes llaborales asturianes. En medio d'esti panorama nun dexa de ser curioso y de llamar l'atención, anque evidentemente nun haya nenguna rellación ente dambos fechos, que'l sindicatu UXT reparta ente los sos delegaos sindicales una revista que s'entitula precisamente, neto que la proclama propagandística institucional "Asturias Adelante". Curioso.