Asturianu en Vigo

Tres profesores de la Universidá d'Uviéu expondrán la difícil situación
de la llingua asturiana

ente'l 23 y el 26 d'ochobre na Universidá de Vigo (Galicia) onde se celebra'l II Simposiu
Internacional sobre'l Billingüismu, que se fai esti añu baxo'l lema "Billingüismu y Educación, de la Familia a la Escuela".
Nesti Simposiu, que ye ún de los mayores alcuentros mundiales d'especialistes
en billingüismu y tratamientu de llingües minoritaries, participen esti añu

tres profesores asturianos
de la Universidá d'Uviéu, que falarán de la difícil situación
sociollingüística de la llingua asturiana y del tratamientu que recibe na política
llingüística y educativa. El miércoles 23 intervendrán los
profesores Xulio Viejo Fernández y Ramón d'Andrés, de la Facultá de
Filoloxía, cola ponencia entitulada «Noticia de los pilancos
institucionales a la normalización de la llingua asturiana» y el profesor
Xosé Antón González Riaño, de la Facultá de Pedagoxía, con otra ponencia
entitulada «El tratamientu de les llingües n'Asturies». En dambes sedrá
inevitable referise a los aspectos regresivos de la política llingüística
que fain anguaño les autoridaes asturianes.

Nesti congresu intervendrán especialistes de 40 países del mundu, ente los
que rescampla'l profesor Joshua A. Fishman, de la Universidá de Yeshiva (Nueva
York), una de las personalidaes más influyentes de la Sociollingüística
mundial, y que munchos llectores recordarán porqu'esti mes de mayu declarose contrariu a les torgues que-y punxeron al asturianu na Universidá