L'arqueóloga Ana Pinto, contratada pol conceyu d'Onís pa facer la carta arqueolóxica del conceyu, fixo públicu'l descubrimientu de lo que pue ser un complexu megalíticu d'entre unos 2.500 y 5.000 años. El Cabañayu, nome pol que ye conocíu , ta formáu por un pobláu fortificáu d'unes doce cases y dos túmulos funeraries. La importancia d'estos restos arqueolóxicos ta en que trataríase del primeru d'esta triba n'Asturies que caltién los enterramientos y les cases nun mesmu llugar, amás ye posible qu'entá tenga ayalgues. La conseyería de cultura ta a la espera del so estudiu y datación pa da-y la importancia que tendría de confirmase la teoría.