Asina anunció Asturies.com el primer N'Alcordanza

Coincidiendo cola celebración de los conciertos de N'Alcordanza, en memoria de los 'felpeyos' Ígor Medio y Carlos Redondo, queremos recordar la primer edición del festival.

Pues lleer equí como anunció Asturies.com el macroconciertu que tuvo llugar en xunu del 2007 na sablera d'El Natahoyo, noticia firmada por Rubén Ardura col títulu L'alcordanza d'Ígor y Carlos va reivindicar la música asturiana.

Güei ta celebrándose la segunda xornada de la novena edición de N'Alcordanza, colos conciertos siguientes: Ramos & Ribera (13 hores, Alambique); Odón García, Pepín de Muñalén y Nel Suárez (14.30 hores, Canteli); Cerezal y Tejedor (16 hores, La Vida Alegre); Felpeyu y Xéliba (18 hores, Xéliba); Pin Carter, y Nacho Álvarez y el Quarteto Bendición (20 hores, Patio la Favorita); Shogun y Misiva (22 hores); y Rafa Kas y cia., Alce y Navaya, y Los Kinkis (00 hores, Savoy).