Asgaya lleva'l folk asturianu a Costa Rica

Esti grupu nuevu de folk va dar un conciertu nún festival celta en Costa Rica

Esta banda inda nun ye mui conocida ente lo aficionaos al folk asturianu, pero ensin facer muncho ruíu Asgaya va plantase nel continente americanu. Elli va participar el día 19 de payares nel primer festival celta que celebra Costa Rica, concretamente nel parque INBio de la ciudá de San José. Ellí van compartir cartel col grupu local de música celta Peregrino Gris, y col irlandés Andy Irvine. El grupu asturianu, onde rescampla la presencia de Roberto Junquera -músicu asturianu eclépticu como demuestra la so participación nel grupu de heavy Avalanch- ta mui ilusionáu con esti conciertu onde s'espera que se xunte más de 2.000 persones. Amás del conciertu en San José, Asgaya va dar dalgún conciertu más per eses tierres anque inda tán por confirmar les feches y sitios exactos de les actuaciones.