Arrojo va mostrar semeyes de construcciones tradicionales del país

El fotógrafu va aprovechar les sos creaciones p'afondar sobre la tipoloxía y usos d'horros, cabazos y paneres nuna charra en Xixón.

L'Atenéu Obreru de Xixón y l'Ateneo Jovellanos entamen esta charra-proyeición protagonizada por Juanjo Arrojo de nome 'Hórreos, cabazos y paneras. Tipologías, usos y estilos', que va tener como sede mañana, dende les 19.30 hores, la Biblioteca Pública Xovellanos. Nella, el turonés criáu en Cuideiru y residente en Xixón, va presentar dalgunes de les sos munches semeyes feches a estes construcciones tradicionales.

Al empar, va esplicar al públicu presente les carauterístiques de caúna d'elles, amás de los diferentes estilos esistentes y l'usu que se-y dan. La entrada p'asistir a esta charra-proyeición ye llibre.