Arrieta, primer líder na Vuelta a Asturies

El corredor navarru del equipu IBanesto.com José Luis Arrieta ye'l primer líder de la Vuelta Ciclista a Asturies depués de ganar la primer etapa con meta en Llanes. Zarrabeitia llegó a meta escapáu xunta'l colombianu del Kelme Santiago Botero y el vascu Mikel Zarrabeitia, ganándolos nun sprint nel qu'arriesgó enforma peles cais de Llanes. Los tres fugaos aguantaron 45 kilómetros d'escapada pa saca-y a la fin 12 segundos al pelotón, que vieno rotu en dellos cachos tres la subida al altu del Mazucu. Güei ye la segunda etapa, ente Llanes y Xixón, colos altos de La Campa y Samartín de Güerces, dambos de segunda, como mayores dificultades. pues consultar los perfiles d'etapa y les clasificaciones nel nuestru especial.