Arranquen les IX Xornaes de Fotoperiodismu en Mieres

Les IV Xornaes Internacionales de Fotoperiodismu arranquen esti xueves 4 en Mieres. Hasta’l 6 de payares, la Casa la Cultura Teodoro Cuesta va dar abellugu a esti alcuentru qu’axunta meses redondes, talleres, proyecciones y esposiciones.

L’Asociación Profesional de Fotoperiodistes Asturianos (APFA) organiza por cuartu añu les Xornaes Internacionales de Fotoperiodismu. Nesta edición, que tien llugar en Mieres, les semeyes con conteníu social tienen abonda relevancia, con trabayos fotográficos sobre la inmigración, la minería o la pena de muerte que recueyen cachinos de la historia d’estremaos llugares del mundu.

Na edición d’esti añu destaca tamién la charra y homenaxe al fotógrafu xixonés Gonzalo Juanes. Nacíu en 1923, foi miembru del grupu fotográficu Afal y participó n’abondes exposiciones y publicaciones hasta’l añu 1963. Tamién ye recordáu pol so llabor como teóricu y críticu de la xeneración de fotógrafos de la posguerra.

Hasta’l día 6
La inauguración oficial va ser esti xueves 4 de payares a les 19 hores. Sicasí, el primer actu tien llugar esta mañana, col aniciu del taller “Les edaes del reportaxe. Fotografía y documentu” qu’imparte’l fotógrafu José Manuel Navia. El pieslle de les xornaes, celebraes na Casa Cultura Teodoro Cuesta de Mieres, tien llugar el sábadu 6.