Armando Graña y Xuaco Álvarez presenten el so llibru sobre los teitos

La Directora Xeneral de Promoción Cultural y Política Llingüística, Consuelo Vega Díaz, asiste güei a la presentación del llibru "Los teitos en Asturias" un actu que va tener llugar en Salón d'Actos del Centru de Recepción del Parque natural de Somiedu y nel que van participar los etnógrafos Armando Graña García y Juaco López Álvarez pa presentar un llibru que tien yá venti años, y ello ye que la realización d'esta obre respuende al encargu que-yos ficiera Cultura a dambos estudiosos nel añu 1986 d'un inventariu y estudiu de protección de los teitos, exemplos d'arquitectura asturiana con cubierta vexetal propios del occidente asturianu y que se concentren en conceyos como Somiedu o Degaña.

21 años dempués la obra llega al gran públicu asoleyada pol Ecomuséu de Somiedu. Los dos autores recuerden que nel pasu d'estos más de venti años, cerca del 80% de los teitos que llegaren a censar d'aquella, yá nun existen nel presente y afirmen que la única manera de que les construcciones que se caltienen sobrevivan ye llogrando que la población d'esos llugares identifique los teitos como dalgo propio.