Arenas estrena un festival de rock y folk

El Válgame Fest va contar con mercáu d'artesanía, xuegos tradicionales y actuaciones de Dixebra, Dobra y Los Gascones.

El Grupu Corri Corri entama esti festival de música rock y folk que vio frenáu la pandemia de COVID-19 nel so momentu. Depués de muncha espera por fin ye una realidá y Arenas va poder vivir mañana una xornada especia al rodiu la cultura asturiana.

A les 11 hores va principiar l'actividá col mercáu artesanu instaláu na plaza El Castañéu. Los Gascones van animar los chigres d'Arenas a la hora del vermú, les 13 hores, y a les 17, cuando 6 Conceyos va poner los xuegos tradicionales.

Na carpa instalada nel parque públicu van desendolcase los dos conciertos del Válgame Fest. En primer llugar va tocar, a les 19 hores, Dobra, grupu de Xuacu Amieva, y a les 23.30 hores, Dixebra, que va dar la so segunda actuación depués de la presentación del so discu últimu 'Ente la niebla' n'Uviéu.