Areces refugó la oficialidá del asturianu

El Presidente asturianu Vicente Álvarez Areces pasó ayeri pelos estudios de la emisora de TV Canal 10, onde participó nel programa "En primera llinia". El xefe del executivu asturianu adelantó na entrevista dellos de los sos puntos devista sobre'l procesu de reforma estatutaria. P'Areces, nun ye preciso camudar la definición d'Asturies como "comunidá histórica" nin tampoco reconocé-y al asturianu'l calter de llingua oficial, declarando na entrevista que-y abultaba que l'actual artículu 4 del Estatutu yá-y da a l'asturianu tola protección llegal que precisa y afirmando qu'esti artículu "ta bien pensáu na so arquitectura y na realidá d'Asturies"

Areces afirmó que lo que más-y esmolecía na próxima reforma estatutaria yera'l puntu de vista competencial, en cuantes qu'a los ciudadanos "nun-yos interesen los debates sobre temes identitarios".