Areces califica les obres del Belles Artes como l’entamu d’una "auténtica revolución cultural"

El presidente del Principáu d'Asturies, Vicente Álvarez Areces, presidió güei l'actu oficial del entamu de les obres d'ampliación del Muséu de Belles Artes que van permitir duplicar el tamañu actual del muséu, de 4.000 metros cuadraos, a un total de 8.000 metros cuadraos tres la remodelación. "Asturies y Uviéu van vivir nos próximos años una auténtica revolución cultural", delcaró Areces.


El presidente del Prncipáu señaló que, tres les obres, el Muséu de Belles d'Asturies va colocase "a l'altura" de los grandes museos del país, onde va poder "brillar con lluz propia".
En cuantes al aspectu económicu de les obres, Areces informó que'l presupuestu d'axudicación de les meses subió a 17,4 millones d'euros, asumíos na "so totalidá" pol Gobiernu del Principáu. A esa cantidá hubo de sumar el coste de les espropiaciones y intercambios necesarios pa l'ampliación, y los estudios y proyetos qu'elevaron hasta 28 millones la inversión autonómica.
Les obres d'ampliación del Belles Artes van prollongase a lo llargo de tres años, lo qu'asitia'l fin de les remodelaciones ente finales del 2010 y principios del 2011.
El presidente del Principáu lligó a la potenciación de los equipamientos culturales col desarrollu económicu de la rexón. "Asturies tien mui presente a la cultura como puente y motor del desarrollu económicu", declaró Areces. A esti respectu, el presidente asturianu manifestó que'l Principáu va invertir hasta'l 2010 una cantidá averada a los 20 millones d'euros n'equipamientos culturales.

"Asturies va tornar nun referente mundial de la cultura gracies a los nuevos equipamientos", afirmó'l presidente.
L'arquitectu encargáu de l'ampliación, Patxi Mangado, refirióse al entamu de les obres como'l "momentu más importante y fantásticu" de les mesmes. D'otra prte, l'arquitectu declaró mostrase partidariu de crear unes xoranes de puertes abiertes nes obres. "Diba ser mui bono porque d'esti mou la xente pue ver en que se gasta'l dienru", manifestó Mangado.