Areces anuncia ayudes pa ganaderos venceyaes al caltenimientu del paisaxe

El presidente asturianu Vicente Álvarez Areces dio anuncia esti fin de selmana en conceyu de Tinéu de que los ganaderos asturianos de carne van recibir ayudes del Gobiernu asturianu venceyaes a la cría de ganáu en praos como un preséu pa garantizar el caltenimientu del paisaxe y pa meyorar la calidá de la carne de xatu astur.


Les subvenciones van dase acordies a les normes de la Indicación Xeográfica Protexida del Xatu Asturianu, adaptando pal casu asturianu un programa de subvenciones que yá se dan en Francia con oxetivos asemeyaos de caltenimientu de población en mediu rural, y van obligar a los ganaderos que les reciban a alimentar los sos xatos cola pación de los praos, ayudando asina a qu'estos nun se faigan monte. L'anuncia fízose na celebración del del XXI Día del campu que tolos años convoca la Unión de Campesinos Asturianos (UCA) a la qu'asistieron, amás d'Areces, la conseyera de Mediu Rural Servanda García, el director del IDEPA, la presidenta de la Xunta Xeneral y dellos alcaldes del occidente asturianu. Los dirixentes d'Unión de Pequeños Agricultores, pela so parte, condenaron les polítiques de baxada de precios de la industria llechera y les negociaciones de la Política Agraria Comunitaria.