Aprobáu el rexistru definitivu del 'Choscu de Tinéu' como Indicación Xeográfica Protexida

La Conseyería de Mediu Ambiente y Desarrollu Rural aprobó'l rexistru definitivu del 'Choscu de Tinéu' como Indicación Xeográfica Protexida (IXP) dempués de que finare'l plazu d'alegaciones obligatoriu. La resolución que prende la lluz verde pa la IXP del embutíu de Tinéu asoleyóse en BOPA del 22 d'avientu y va comunicase darréu al Ministeriu d'Agricultura, Pesca y Alimentación pa que la tramite énte la UE.

La documentación de la IXP define'l choscu de Tinéu como "un productu cárnicu ellaboráu con cortes esbillaos de carne de gochu, de llombu y llingua y adobaos con sal, pimentón y ayu" y con un pesu ente los 500 gramos y los dos kilos. Amás del mesmu Tinéu, la IXP reconoz una zona de producción del choscu de más de 2.900 kilómetros cuadraos qu'incluye los conceyos d'Ayande, Miranda, Cangas de Narcea, Salas, Somiedu, Valdés y Villayón.