Aprébase'l centru d'interpretación del Chao Samartín

El Conseyu de Gobiernu del Principáu d'Asturies d'esta mañana autorizó un gastu de 1.165.353 euros (194 millones de pesetes) a un Conveniu de collaboración col Conceyu de
de Grandas pa la construcción del centru d'interpretación del castru del Chao Samartín. El Conceyu, pela so parte, va poner 384.647 euros, colo que la inversión total nesti equipamientu cultural va ser de 1.550.000 euros a poner en dellos años poles dos alministraciones.

La de Grandas ye una de les actuaciones estrella que tenía previstes pa esti añu la Conseyería, anque nun foi la única partida presupuestaria pa cuestiones rellacionaes con patrimoniu que se trató en Conseyu de güei. Ello ye que tamién s'autorizó otru gastu, esti por importe de 200.445 euros (más de 33 millones de pesetes) pa la restauración de de la Ilesia de San Salvador de Fuentes en Villaviciosa, obra que s'enxerta nel Plan del Románicu, que lleva yá feches 36 actuaciones y tien entovía otres 5 en cartera con una inversión global de 1.114.339 euros.