Aparez un enterramientu del exércitu de Napoleón

Cuando los trabayadores que taben tirando la llínia del teléfonu cerca de Vilnius, la capital de Llituania, alcontraron l'añu pasáu una fosa común enllena güesos, pensaron que yera un enterramientu de la segunda guerra mundial, pero los historiadores decatáronse enseguida de que la fosa, na qu'había más de 2.000 calabres, yera en realidá un enterramientu de soldaos del exércitu francés de Napoleón, muertos de fame, fríu y enfermedaes cuando la retirada tres el tremendu fracasu de la campaña rusa de 1812. Cásique dos sieglos depués de la derrota, los historiadores tienen agora un nuevu afayu arqueolóxicu pol que ponese a investigar una estaya tan importante de la historia militar como foi la "grande armée" cola que'l militar francés achuquinó a media Europa. L'afayu da pa facese una idega del revueltu de soldaos de les más estremaes nacionalidaes que s'enriestraron nel exércitu imperial, que yera un auténticu exércitu européu: portugueses, italianos, croates y asina hasta más de venti procedencies estremaes.Otru datu, les edaes anden ente los 15 y 25 años. De los más de 600.000 soldaos qu'entraron en Rusia, namás 50.000 sobrevivieron a la retirada, escribiendo l'entamu d'una derrota qu'echaría'l piesllu en Waterloo.Pa saber más sobre Napoleón y la Grande Armée, la rede ufierta bien de recursos. Dende esti web (entovía en fase de desarrollu) pue conocese la historia de la Francia napoleónica y entrar a un garapielu de links rellacionaos. Sicasí, cásique tolo que s'atopa na rede sobre la tema, como esti otru web, que presume de tener collaboraciones d'eruditos y profesionales, ye afalagando a la persona del primer emperador de la Francia moderna.…

Contador Estadistiques