Apaecen unes pintures renacentistes na ilesia de Ques

Un estudiu estratigráficu nes muries de la Ilesia de Santa olaya de Ques, nel conceyu de Piloña, fizo que rescamplare la existencia d'una serie de pintures del tiempu del Renacimientu que los investigadores calificaron de "úniques".

Les pintures alcuéntrense nún oratoriu de la Ilesia, dalgo que llamó l'atención de los restauradores, lo mesmo que la calidá de les pintures, qu'aseguren que ye mui alta.

Les pintures y la ilesia entera, que ye d'estilu románicu, anque mui alteriada y remocicada nel sieglu XIX, va ser restaurada col presupuestu que se comprometió a apurrir el Gobiernu asturianu. Asina, la conseyera de Cultura, Ana Rosa Migoya afirmó na so visita a la ilesia que "el proyectu va contemplar la recuperación de los elementos orixinales, lo mesmo arquitectónicos, quede de decoración". La titular de Cultura comprometióse igualmente a recuperar l'antiguu cementeriu que ta atiestando cola ilesia.