Apaecen carabeles portugueses en sableres de Llanes

La Cruz Bermeya de Llanes avisó esta mañana de que tan llegando delles carabeles portugueses, como por exemplu la que llegó esta mañana a la sablera d'Andrín.

Ye importante tener en cuenta que los sos tentáculos son venenosos y nel ser humanu esti venenu tien consecuencies neurotóxiques, citotóxiques y cardiotóxiques produciendo un dolor bien intensu.

Aconseyen qu'en casu de picadura lo primero ye retirar los restos de tentáculos que puedan quedar na piel, nunca directamente coles manos, darréu aplicar agua salao sobre la zona afectada, nun aplicar agua dulce yá que puede aumentar el dolor. Evitar asoleyalo y si los síntomes empioren dir a un médicu.

Semeya: Carabela portuguesa (Physalia physalis​) Fonte Flickr