Ángela Vallina gana les primaries d'IX

A falta de contabilizar el votu per corréu, será la candidata de la coalición a les eleiciones a la Xunta Xeneral del 26 de mayu.

La llista 'Más Izquierda Unida', liderada por Ángela Vallina, foi la más votada nes primaries d'Izquierda Xunida (IX) celebraes el sábadu. La eurodiputada algamó 517 votos (45,83 por cientu del total), polos 468 (41,49 por cientu) de 'Sumar por la Izquierda' del coordinador xeneral Ramón Argüelles.

La tercer candidata, 'Ye Agora, l'Asturies que queremos/Es ahora, la Asturias que queremos', de la conceyala avilesina Carme conde, recibió 143 apoyos (12,68 por cientu). El trunfu de Vallina nun va ser oficial hasta les 18 hores de güei, cuando se termine de contar el votu per corréu, anque dende'l propiu partíu nun esperen sorpreses.

"De momento, dar les gracies a tola militancia por esa confianza, por esi apoyu y por esa apuesta pola nuesa IX de siempre", declaró Vallina tres conocer los resultaos. La castrillonenses acompáñase na llista polos diputaos Ovidio Zapico y María Josefa Miranda Fernández, como númberos 2 y 3, amás de pol alcalde de Morcín Maximino García 'Mino'y Elsa Valle, secretaria de Política Institucional.

Na semeya, Vallina –sentada, segunda pela izquierda– xunto col restu de miembros del so equipu.