Andecha presenta una propuesta pa camudar de 'Principado' a 'Princesado'

Cola intención de poner n'evidencia lo "risible" de la denominación oficial d'Asturies, Andecha Astur propunxo camudar de 'Principado' a 'Princesado'. Fixo un pidimientu a la Xunta Xeneral.

Con motivu del Día de la Nación Asturiana y l'aniciu del grupu políticu, la formación nacionalista pon en marcha esta iniciativa irónica pol fechu de que'l nome de 'Principado', "impuestu dende Madrid al igual que l’Estatutu autonómicu, ta venceyáu al herederu de la corona española, y como quiera que nesti momentu ye de sexu femenín, lo propio –dientru la so llóxica monárquica– sedríe que pasara a denominase 'Princesado'". Con esta propuesta, Andecha Astur quier reivindicar el términu históricu d’Asturies "comu l’únicu válidu a la hora de referise a la nuesa nación, y poner n’evidencia’l calter sucursalista y monárquicu de la denominación de 'Principado de Asturias'", al igual que reivindica al Conseyu Soberanu "como máxima institución democrática asturiana, desaniciada pol franquismu".