L'escándalu provocáu pol 'Casu Villa' llevó a Andecha Astur a entrugar nel Congresu pola xestión de los fondos mineros. Foi a traviés del parllamentariu vascu d'Amaiur, Jon Iñarritu.
El bizkaitarra presentó dos preguntes al Gobiernu estatal, con ruegu de respuesta per escritu, "pa poner en primer términu los fondos mineros comu orixe principal de la fortuna acumulada por José Ángel Fernández Villa, cuyu casu agora descubiertu atalantamos que nun ye más que la punta d’iceberg d’un sistema de corrupción permanente destináu al arriquecimientu personal y a financiar el sistema mafiosu-clientelar del PSOE n’Asturies", apunten dende Andecha Astur, formación que considera "patéticos dafechu y bien significativos los intentos del PSOE por desvenceyase tantu de Fernández Villa, como de pretender dexar los fondos mineros al marxe de toa investigación, siguiendo’l yá avezáu sistema d’aniciar una Comisión d’Investigación nel 'Principado' na que nun se llega a nada". D'igual forma, critica'l tratu de "favor" de la Fiscalía cola FSA-PSOE polos sos casos de corrupción.
El testu plantegáu pol diputáu d'Amaiur, organización compañera de coalición d'Andecha en Los Pueblos Deciden, ye' siguiente: