Andecha Astur va ser la única formación asturianista que participe nes eleiciones del 20-P
|
14 Ochobre, 2011 por Pablo R. Guardado
- Inicie sesión o rexístrese pa espublizar comentarios
L’arrenuncia del Bloque, UNA y Unión URAS-PAS de participar nes eleiciones del 20-P dexen a Andecha Astur como la única formación asturianista que va dar el pasu de presentase a les xenerales. El llunes tien qu’entregar 989 avales pa ello.
Dende la formación nacionalista señalen que nun va haber problema pa llegar a esa cifra impuesta polos partíos mayoritarios a aquellos ensin representación parllamentaria –que correspuende al 0,1 por cientu de los elutores inscritos na circunscripción asturiana–, yá qu’en poblaciones del tamañu de Noreña yá se teníen rexistraes esta selmana 300 firmes. La decisión de la militancia d’Andecha Astur de tomar partes nesta cita coles urnes, tres participar dientro de Conceyu Abiertu nes nacionales y municipales últimes, llegó tres el refugu de la candidatura de xunidá popular, n’asamblea, de tomar parte nes xenerales al entender que’l so papel taba nos conceyos y nel país. Asina, en mou de respuesta a una Llei Eleutoral que considera inxusta, Andecha decidió dar un pasu alantre y entamar a recoyer firmes pa tener voz na campaña eleutoral que vien.
Tres algamar los avales necesarios pa poder presentar la so candidatura, Andecha va celebrar otra asamblea ente la so militancia pa decidir qué pasos siguir de cara a unes eleiciones que dende la organización nacionalista consideren “ayenes”. Una de les posibles aiciones podría ser la retirada de la candidatura a última hora depués d’amosar na campaña eleutoral el so refugu al Rexime Eleutoral Xeneral modificáu en xineru y de dar a conocer les sos reivindicaciones.
Unión URAS-PAS nun se presenta
La decisión d’Unidá Nacionalista Asturiana (UNA) y Bloque por Asturies de nun presentase a les eleiciones del 20-P ye la mesma que tomó Unión URAS-PAS. Según confirmó Xuan Xosé Sánchez Vicente a Asturies.com, “tendría poco sentíu l’esfuerciu nesta coyuntura y amás sería agotar les fuercies de la xente y de los votantes”. Contrariu a la llei qu’obliga a los minoritarios a presentar les firmes pa poder presentase a les eleiciones, criticó’l camín que tamos llevando “hacia’l bipartidismu más absolutu” asina coma la postura de los indignaos del 15-M “que coles sos reivindicaciones, como la circunscripción única y la mengua del númberu de diputaos, nun faen otra cosa que favorecer al PSOE y al PP”.
Efrén d'Andrés
Comentarios
Siguís xugando coles Barbies y los madelmanes. Siguís gociando del vuesu testimonialismu. Táis de viciu porque nun tenéis competidores (UNA-Bloque son permalos nesto, pero van al rau vuestru) tocántenes a ver quién pierde, y pierde y pierde con mayor pureza y virxinalidá. Sois las virxe, sí, no que cinca a ser minoritarios y hasta marxinales. A naide se-y da meyor, nin a la Falanxe Auténtica nin a la U.C.E.
Sois talmente la vía muerta cola que s´estrapayen unes docenes de mocinos cada xeneración dende va 30 años. La estratexa del fracasu del nacionalismu asturianu ye la estratexa "Andecha": Independencia y socialismu, democracia participativa y fidel castru, consignes calcaes del PCPE y de Bildu pero cola asturina, estrella colorada y un bable qu´ofiende a la vista y que fai retroceder el llabor de l´ALLA a los tiempos pre-democráticos. La vía de los comunistes bableros con señaldá de Belarmino Tomás y que nun tienen zorra idea de la Xunta Xeneral, del Principáu, de Pelayu, Alfonsu II y III, de los castros, la Carisa...Sois un fósil qu´amuesa a tolos asturianos el verdaderu raigón del nuestru error: imitar el vasquismu, pescar nun champán valeru a supuestos siguidores que nun esisten , nun ermu onde queréis un roxeríu disconforme que pa tocar la flauta y dir col perru yá merodea de sobra n´IU y nel PCPE, y que nun va dir con vós enxamás. Sois l´erru d´ignorar dafechu la personalidá coleutiva d´Asturies, l´erru de ser CIBERNACIONALISTES ensin base popular detrás. Sois más blogues que persones: CA, Frayando Cabeces, Andecha Proletaria, Infoasturies, Democracy for the pollos, N´Ast, etc. Apostaría por ver que sois cuatro que remanáis cuarenta blogs. Pa casina chachos, con ciñu y simpatía, dende´l respetu, dígovoslo. Pa casina a xugar con moñecos.
Bonu, nuna democracia cadun pode tener na so cabeza ideyes diverses. Esin nenguna dulda que, non van algamar na de na ye persabiu-tou sera munchu ruxiu i nenguna ñuez-Por iso los demas que, dicen ser astirianistes non lo facen! Mas llistos pa non facese peleles!
Nuna democracia hai que, tolerar los que non piesen como tu! Nin isa llamada ezquierda fai falta pa nada, nin isos llamaos facistes que, solu aportaren terror e inxusticia n'Asturies.
Poro ensin un partiu asturianu-llamase foru o xuntanza- Asturies non dira pa llantre,ye per-sabiu....
Un arbol sin les sos raices morrira, i tou quien de ser asturianu presuma, tien que trabayar por ella -aportando una alternativa propia abriendo los güeyos a la xente que, non ven la llu de una meyoria!
Qué razón tien el primeru. Reíense de que Bloque-Una sacaren 6.000 votos pensando en sacar diputaos. Reíense de la hecatombe del Bloque-Una, cuando ellos sacaron 1.500.
Agora van ellos (CA o AA, que yo sigo entrugándome a qué xueguen, o son un partíu o otru, pero esti baile de sigles nun hai dios que les entienda,que si un día con CA que si otru día con AA, que si agora vuelvo con CA), que saben que necesiten más de 50.000 votos pa sacar dalgo, van y quieren presentase. Lo peor nun ye la risión que van ser por votos (nun sacaron 50.000 n'Asturies, van sacalos n'España, sí...), sinón que nun se dan cuenta de que va ser un llabor que va dir quemando a la xente, porque habrá cartelos que sacar, diseñalos, dir a la imprenta, repartilos, pegalos, facer mítines, o alcuentros, o dalgún actu pa dase a conocer (coles rocees y griesques que lleva eso: que si vas tu, non yo nun pueo, que quienes pegamos equí, que l'otru nun pue venir, pues yo tampoco voi que siempre pringo yo,... ) y TOOS SABEMOS que nun vais sacar nada más que derrota. Y la verdá trabayar SABIENDO lo que vais sacar ye ser burrinos, ye agotar a la xente, ye sumar murnios finales.
Lo que más pena me da ye eso: quemar a dos docenes de chavales cada pocos años. Dos docenes que bien dirixíos diben poder facer muncho pol país.
Y bravo por URAS-PAS, UNA y BPA. Los votos que diben perdese si se presentaren igual valen pa que Asturies tenga un grupu parlamentariu propiu.
Atá cuando vamos siguí-los asturianos pagando-y tributu a ideoloxíes babayes y inhumanes? Cuando vamos tener unos partíos (ansí, en plural, partíos) que de posiciones estremades defendien Asturies y toles tierres asturllïoneses? Cuando fonon Belarmo Tomás y toos esos carniceros del 34 asturianistes? Cuando vamos dexar de llevantar banderes foriates? De xuru que dél día, pero yá ta tardando perabondo n'aportar.