Andecha Astur píde-y al PSOE que desanicie los símbolos del franquismu

En medio de la polémica pola retirada de símbolos de la dictadura franquista qu'encamienta la Llei de Memoria Histórica aprobada apocayá, el partíu políticu Andecha Astur emitióun comunicáu nel que-y pide al secretariu de la FSA Javier Fernández que'l PSOE retire tamién los símbolos franquistes de los conceyos en que gobierna. Dempués de que Fernández-yos pidiere a los conceyos gobernaos pol PP que desaniciaren la so simboloxía franquista, AA diz que "sería deseyable que'l PSOE fuere'l primeru en dar exemplu" afirmando qu'esiste una llarga riestra de símbolos franquistes nos conceyos de Xixón, Samartín del Rei Aurelio, Llangréu, Morcín o Nava.

Dende Andecha Astur llamenten lo que califiquen de "hipocresía políticamente correcha" por parte de Javier Fernández , recordando que cuando Andecha Astur quixo desaniciar símbolos franquistes de Llangréu y otros llugares "los alcaldes de PSOE nun alcontraron otra rempuesta meyor que mandar a la policía municipal pa torgalo".